Entertainment News
ക്യൂബ്സ് എന്റര്ടെയ്ന്മെന്റ്സിന്റെ ബാനറില് മലയാളത്തിലെ ഏറ്റവും വയലന്സ് നിറഞ്ഞ സിനിമയെന്ന വിശേഷണവുമായെത്തിയ 'മാര്ക്കോ' എന്ന സൂപ്പര്ഹിറ്റ് ചിത്രത്തിന് ശേഷം ആന്റണി വര്ഗീസ് പെപ്പെ, ദുഷാര വിജയന്, സുനില്, കബീര് സിംഗ് എന്നിവരെ കേന്ദ്ര കഥാപാത്രങ്ങളാക്കി ഷരീഫ് മുഹമ്മദ് നിര്മ്മിച്ച് പോള് ജോര്ജ്ജ് സംവിധാനം ചെയ്യുന്ന 'കാട്ടാളന്' സിനിമയിലെ 'ദി ഹണ്ടര് ആന്തം' പുറത്ത്. മലയാളത്തിന്റെ സ്വന്തം മോഹന്ലാലിന്റെ പേജിലൂടെയാണ് ഗാനം പുറത്തിറക്കിയിരിക്കുന്നത്.
വേറിട്ട ഗാനങ്ങളൊരുക്കി ചുരുങ്ങിയ കാലം കൊണ്ട് സംഗീത ലോകത്ത് ശ്രദ്ധേയനായ നിഹാല് സാദിഖ് ഒരുക്കിയിരിക്കുന്ന ഈ ഇലക്ട്രിഫൈയിങ് ആന്തം ആലപിച്ചിരിക്കുന്നത് നിഹാല് സാദിഖും ഹനാന് ഷായും എസ്വിഡിപിയും മുന്സും ചേര്ന്നാണ്. വരികള് എഴുതിയിരിക്കുന്നത് സുഹൈല് കോയയും വിഘ്നേഷും എസ്വിഡിപിയും ചേര്ന്നാണ്. ആന്തം സംവിധാനം ചെയ്തിരിക്കുന്നത് അശ്വിന് എസ് കുമാറാണ്. വിസ്മയ ദൃശ്യങ്ങളും ചടുലമായ ചുവടുകളും സംഗീതവും ഗാനത്തിന്റെ ഹൈലൈറ്റാണ്. മെയ് 28-നാണ് സിനിമയുടെ വേള്ഡ് വൈഡ് റിലീസ്.
കാട്ടാളനായുള്ള പ്രേക്ഷകരുടെ ആകാംക്ഷ പതിന്മടങ്ങ് വര്ദ്ധിപ്പിക്കുന്നതാണ് ഗാനം. ചിത്രത്തിന്റെ ട്രെയിലര് ഇതിനകം സോഷ്യല് മീഡിയ അടക്കിഭരിച്ച് മുന്നേറുകയാണ്. ജംഗീള് ബീസ്റ്റ് തീം, വൈല്ഡ് ബീസ്റ്റ് തീം, ഓഷ്യന് ബീസ്റ്റ് തീം എന്നിങ്ങനെ മൂന്ന് മ്യൂസിക് ട്രാക്കുകളിലാണ് ട്രെയിലര് പുറത്തിറങ്ങിയിരുന്നത്. രവി ബസ്രൂര് ഒരുക്കിയിരിക്കുന്ന ഹരം കൊള്ളിക്കുന്ന സംഗീതമായിരുന്നു ട്രെയിലറിലെ ഹൈലൈറ്റ്.
നവാഗതനായ പോള് ജോര്ജ്ജ് സംവിധാനം നിര്വ്വഹിക്കുന്ന ചിത്രം പ്രേക്ഷകരെ ഞെട്ടിപ്പിക്കുമെന്ന് അടിവരയിടുന്നതായിരുന്നു പുറത്തിറങ്ങിയിരുന്ന കാട്ടാളന് ഫസ്റ്റ് ലുക്ക്. അതിന് പിന്നാലെ സിനിമയുടെ ഓരോ അപ്ഡേറ്റും ഏവരും ഏറ്റെടുത്തിരുന്നു. ടീസറും ബ്രഹ്മാണ്ഡമായിരുന്നു. ടീസര് ബിടിഎസും സിനിമയുടെ വലുപ്പം വിളിച്ചോതുന്നതായിരുന്നു. ആനയുമായുള്ള സംഘട്ടന രംഗങ്ങള് വിഎഫ്എക്സ് ആയല്ല ചിത്രീകരിച്ചിരിക്കുന്നതെന്നും യഥാര്ത്ഥ ആനയെ തന്നെ ഉപയോഗിച്ചാണ് ഒരുക്കിയിരിക്കുന്നത് എന്നും ഇതിനകം സിനിമയുടെ അണിയറപ്രവര്ത്തകര് അറിയിച്ചിരുന്നു.
പാന് ഇന്ത്യന് താരങ്ങളായ സുനില്, കബീര് ദുഹാന് സിങ് എന്നിവരേയും ജഗദീഷ്, സിദ്ധിഖ്, ആന്സണ് പോള്, രാജ് തിരണ്ദാസു, ഷോണ് ജോയ് തുടങ്ങിയ ശ്രദ്ധേയ താരങ്ങളേയും റാപ്പര് ബേബി ജീനിനേയും ഹനാന് ഷായേയും കില് താരം പാര്ത്ഥ് തീവാരിയേയും, 'ലോക' ഫെയിം ഷിബിന് എസ്. രാഘവിനേയും ഹിപ്സ്റ്റര് പ്രണവ് രാജിനേയും കോള് മീ വെനത്തേയും ചിത്രത്തിലേക്ക് സ്വാഗതം ചെയ്തുകൊണ്ട് അടുത്തിടെ പോസ്റ്ററുകള് എത്തിയിരുന്നത് വലിയ ശ്രദ്ധ നേടിയിരുന്നു.
സിനിമയുടെ രചന നിര്വ്വഹിച്ചിരിക്കുന്നത് പോള് ജോര്ജ്, ജോബി വര്ഗ്ഗീസ്, ജെറോ ജേക്കബ് എന്നിവരാണ്. സംഭാഷണം ഒരുക്കുന്നത് ബിഗ് ബി, ചാപ്പ കുരിശ്, മുന്നറിയിപ്പ്, ചാര്ലി തുടങ്ങിയ സിനിമകളിലൂടെ ശ്രദ്ധേയനായ എഴുത്തുകാരന് ഉണ്ണി ആറാണ്. എഡിറ്റിംഗ് നിര്വ്വഹിക്കുന്നത് മലയാളത്തിലെ ശ്രദ്ധേയനായ എഡിറ്റര് ഷമീര് മുഹമ്മദ് ആണ്. വേറിട്ട ഗാനങ്ങളൊരുക്കി ചുരുങ്ങിയ കാലം കൊണ്ട് സംഗീത ലോകത്ത് ശ്രദ്ധേയനായ നിഹാല് സാദിഖ് 'കാട്ടാളന് ' വേണ്ടി ഒരു ഇലക്ട്രിഫൈയിങ് പ്രൊമോ ഗാനം ഒരുക്കുന്നുമുണ്ട്. ഐഡന്റ് ലാബ്സ് ആണ് ടൈറ്റില് ഗ്രാഫിക്സ്. അഡീഷണല് സോങ്ങ്: ബി. അജനീഷ് ലോക്നാഥ്, ഡിഒപി: രെണദേവ്, അഡീഷണല് ഡിഒപി: ചന്ദ്രു സെല്വരാജ്, സുദീപ് എളമണ്, ഓഡിയോഗ്രഫി: എം.ആര് രാജാകൃഷ്ണന്, പ്രൊഡക്ഷന് ഡിസൈനര്: സുനില് ദാസ്, ക്രിയേറ്റീവ് പ്രൊഡ്യൂസര്: ഡിപില് ദേവ്, എക്സിക്യുട്ടീവ് പ്രൊഡ്യൂസര്: ജുമാന ഷെരീഫ്, പ്രൊഡക്ഷന് കണ്ട്രോളര്: ദീപക് പരമേശ്വരന്, സൗണ്ട് ഡിസൈനര്: കിഷാന്, കോസ്റ്റ്യൂം: ധന്യ ബാലകൃഷ്ണന്, മേക്കപ്പ്: റോണക്സ് സേവ്യര്, സ്റ്റില്സ്: അമല് സി സദര്, കോറിയോഗ്രാഫര്: ഷെരീഫ്, സ്റ്റണ്ട് സന്തോഷ് മാസ്റ്റര്, ഗാനരചന: വിനായക് ശശികുമാര്, സുഹൈല് കോയ, ചീഫ് അസ്സോസിയേറ്റ്: രാജേഷ് ഭാസ്കര്, വിഎഫ്എക്സ്: ത്രീഡിഎസ്, അഡീഷണല് സോങ്ങ്: ബി. അജനീഷ് ലോക്നാഥ് , ഡിജിറ്റല് മാര്ക്കറ്റിംഗ്: ഒബ്സിക്യൂറ എന്റര്ടെയ്ന്മെന്റ്സ്, പി ആര് ആന്ഡ് മാര്ക്കറ്റിംഗ്: വൈശാഖ് സി വടക്കേവീട്, ജിനു അനില്കുമാര്, പിആര്ഒ: ആതിര ദില്ജിത്ത്.
Content Highlights: Mohanlal releases 'Kaattalan' 'The Hunter Anthem' sung by Hanan Shah, SVDP and Muns